Ասպիրանտուրայի կրթական ծրագրեր
Մասնագիտացումներ
Տնտեսության, նրա ոլորտների տնտեսագիտություն և կառավարում
Միջազգային տնտեսագիտություն
Առկա ուսուցում
Ասպիրանտուրայի Ը.00.02 «Տնտեսության, նրա ոլորտների տնտեսագիտություն և կառավարում» և Ը.00.06 «Միջազգային տնտեսագիտություն» մասնագիտություններով կրթական ծրագրով նախատեսված ուսումնառության տևողությունն է 3 տարի /6 կիսամյակ/: Պարապմունքներն անց են կացվում տարին երկու անգամ առաջին և երկրորդ կիսամյակներում` շաբաթական միջինում 20 ակադեմիական ժամ ծանրաբեռնվածությամբ:
Հեռակա ուսուցում
Ասպիրանտուրայի հեռակա ուսուցման և հայցորդության համակարգի Ը.00.02 «Տնտեսության, նրա ոլորտների տնտեսագիտություն և կառավարում» և Ը.00.06 «Միջազգային տնտեսագիտություն» մասնագիտություններով կրթական ծրագրով նախատեսված ուսումնառության տևողությունն է 4 տարի /8 կիսամյակ/: Պարապմունքներն անց են կացվում տարին երկու անգամ առաջին և երկրորդ կիսամյակներում` շաբաթական միջինում 20 ակադեմիական ժամ ծանրաբեռնվածությամբ:
Աշխատանքային հնարավորություններ
Ասպիրանտուրայի /հայցորդության համակարգի/ կրթական ծրագրերը շրջանավարտներին ընձեռում են հետևյալ հնարավորությունները.
-
իրականացնել գիտական հետազոտություններ գործարար կառավարման և միջազգային գործարարության տեսական ու գործնական արդի հիմնախնդիրների վերաբերյալ,
-
ձեռք բերել խորը, արդիական գիտելիքներ, հետազոտական հմտություններ և փորձ, ինչպես նաև` գիտական աստիճան տնտեսության տարբեր ոլորտներում պահանջվող բարձրակարգ մասնագետներ դառնալու համար,
-
ընդգրկվել դասախոսական աշխատանքում,
-
ուսումը համատեղել աշխատանքի հետ:
Ասպիրանտուրայի /հայցորդության համակարգի/ շրջանավարտները կարող են զբաղեցնել հանրային կառավարման, գործարարության կազմակերպման ու ղեկավարման համակարգերում կառավարչական անձնակազմի բարձրագույն օղակների պաշտոնները, բուհական և ակադեմիական համակարգերի գիտական ու գիտակրթական գործունեության հաստիքները: